胡定欣色心起明冧袁偉豪
胡定欣在無綫劇《城寨英雄》中「花癡」上身，經常發姣扭Pat，她直言不知幾想「舂」自己，又笑指將心底裏最好色的一面表露無遺！而現實中的她也喜歡跟靚仔互(目及)，談到劇中有陳展鵬、袁偉豪與伍允龍三大肌肉型男陪伴，問定欣會揀邊個，她諗爆頭後說：「三個都咁好條件，不過一般女仔都會揀『牙佬』（袁偉豪）！」
藝人胡定欣（Nancy）在無綫熱播劇集《城寨英雄》中，飾演身懷絕技的「刁蘭」，既睇得又打得，更令觀眾笑中有淚！劇中有如「花癡」上身的她不時發姣扭Pat，她直認為求喜感，不惜盡地一煲兼不擇手段，更笑言連自己都想「舂」自己：「將自己最好色嘅一面發放出嚟，將呢樣嘢去到終極！（平時都咁好色？成日(目及)仔？）點解唔(目及)得，好嘢就睇o架啦！話晒我都係靚女，人哋睇我梗係睇番人！」問到「胡說八道會」一班好姊妹捧場時，會否同樣想「痛毆」她？她笑說：「咁又冇！佢哋睇得好開心，話笑到卡卡聲，尤其係豹嫂（胡蓓蔚），佢做咗我Die Hard Fans，仲熱衷過我！」問是否想憑角色再登視后寶座，她表示要交由觀眾決定。
三揀一？貪佢好笑容
定欣在劇中有陳展鵬飾演的「拳佬」左勾拳、袁偉豪飾演的「牙佬」段迎風及伍允龍飾演的「貓仔」龍成虎三大型男陪伴，問她心儀哪一位？她諗到「頭都大」：「三個都咁好條件！『牙佬』官仔骨骨，好好笑容；『貓仔』就成個Bodyguard咁，夠晒安全感；『拳佬』就孩子氣啲，但團火好勁！（揀邊個過人世？）一般女仔都係鍾意『牙佬』嘅，啲姨媽姑爹牙冇痛都會去睇牙！」
趕結婚？呢啲逼唔到
此外，談到與音樂人陳明道（Terry）拍拖兩年後分手，她揚言會展望將來：「Mr. Right嚟之前，我會照顧得自己好好，要識錫自己先可以好好咁對待愛情。」並強調二人和平分手，但不會因失實報道而動怒：「不過唔好再話我哋啲女孩子逼婚，呢啲逼唔到！（仲想結婚？）我仲期待緊。」
文：影視組
攝：鄭家俊
髮型：Matt Chiu @ Xenter
化妝：Cyrus Lee