加拿大小天王Justin Bieber獲斟主演足球電影，由電影大亨Harvey Weinstein投資1億英鎊（約10.14億港元）炮製大製作，更有望與「C朗」基斯坦奴朗拿度（Cristiano Ronaldo）及碧咸（David Beckham）合作！
據指電影大亨Harvey Weinstein計劃延續《一球成名》（Goal）系列足球電影，預計製作費高達1億英鎊（約10.14億港元），更有意邀請Justin做主角！電影講述一名來自洛杉磯的天才足球少年寂寂無聞，但加入西班牙足球隊皇家馬德里（Real Madrid）後，憑一場賽事一夜成名，成為新一代萬人迷！電影配角陣容強大，有傳曾客串2005年與2007年《一》系列電影的球星碧咸會回歸做自己，另一球星C朗亦會加盟，至於金像男星奇連伊士活（Clint Eastwood）則被視為飾演主角祖父的首選！
有傳新片已進入製作前期階段，目前只等Justin於未來數周內簽約接拍，有內幕人士透露：「呢個對佢嚟講係一個好好嘅機會，如果佢同C朗嘅粉絲都買飛捧場，呢套戲就會成為2017年其中一套猛片！」
Justin向來對足球充滿熱誠，過往曾接受巴塞隆拿及車路士專業足球訓練，有望在片中親身上陣騷球技。除了踢波外，他亦有鋪演戲癮，曾客串電視劇《滅罪鑑證科》（CSI：Crime Scene Investigation）及電影《非常索凸務2》（Zoolander No.2），事有湊巧，兩個角色同樣被槍殺收場。估計Justin主演的足球電影將於明年3月開鏡，並於明年聖誕節上映，為2018年在俄國舉行的世界盃賽事作前奏。
另外，碧咸與11歲兒子告斯（Cruz）前日在洛杉磯現身饒舌歌手Kanye West的3天限定時裝店掃貨，貴為VIP貴賓，當然不用像其他粉絲般排隊數小時才能入場！
文：外娛組