李思捷強吻黃智雯
李思捷、黃智雯、陳智燊（Jason）、趙希洛及陳庭欣等昨日為無綫劇集《超能老豆》宣傳，兩位飾演爸爸的男主角在現場大玩遊戲，為劇中仔女準備返學用品及食物，兩人為鬥快都非常求其，Jason竟用手搽花生醬，思捷則粗魯地幫兒子「燒腩仔」抹臉，更頻頻撩智雯濕吻，最終成功「強吻」智雯臉珠，但智雯顯得一臉不情願，笑爆全場！
事後思捷自爆想錫智雯多年，並笑說：「佢拍第一套劇，就係我演佢男友，當時佢好年輕，梗係對佢有意思，可惜佢依家已經有個靚仔又風趣嘅男友！」智雯解釋不情願的原因是怕被思捷的鬚拮親，並表示不擔心男友呷醋：「佢明白係工作需要，而且幾乎識晒我身邊嘅男性朋友。（佢覺得思捷冇威脅？）佢覺得思捷係個傻仔，哈哈！」
