許廷鏗撞車留陰影 扶實車頂手柄
歌手許廷鏗（Alfred）昨日出席活動，吸引過百歌迷支持，Alfred與女歌迷一齊飲果汁時惹來歌迷尖叫，由於他早前坐保母車遇三車連環相撞意外，問到有否入院檢查？他說：「冇，一直有觀察自己有冇事，係不幸中之大幸。（留有陰影？）依家坐車見側邊車太貼會立即扶住車頂手柄。」
對於有指他原定今年在九展開騷，但見好友吳業坤不夠歌也可上紅館，即將九展騷撻訂兼入紙申請紅館，他說：「係有諗過申請紅館。（因為吳業坤都可以開？）唔好比較，呢個舞台係我夢寐以求，隨遇而安，公司冇損失。」有傳紅館放出11月空檔，其唱片公司即搶期為他開騷，他說：「唔係。（如果11月紅館有期開唔開？）諗吓先，隨遇而安。」