張學潤撐熱情：係咪姊妹咋？

李蕙敏（Amanda）在夜場攬仔令旁人側目，圈中閨密、形象設計師張學潤（Nel Nel）昨日受訪時坦言不知情：「兩個禮拜前先同Amanda同佢老公食飯，仲上咗佢哋屋企，見佢兩個冇乜嘢喎！不過兩個禮拜咁耐冇見，會發生乜事就唔知！」他又透露好友甚少夜蒲，落夜場亦多數與朋友「齋飲嘢」，提及與異性舉動親密？Nel Nel說：「係咪佢啲『姊妹Friend』咋？佢好多(口架)喎！我識嘅佢外表好Cool，其實私下對朋友好熱情、好友善！」至於有指Amanda約滿舊公司，Nel Nel坦言不擔心好友的前途，撐她可獨立發展，還透露稍後跟Amanda合作新節目。