鎮宇嫌阿仔未夠肥
影帝吳鎮宇身兼三職的黑色幽默江湖片，前晚在旺角鬧市封街拍攝反車戲，吸引逾百途人冒雨圍觀。當晚沒有戲份的鎮宇現身指揮，期間包頭巾玩自拍，又趁空擋講電話，心情不俗。他透露稍後會有斬人及切腹等血腥戲份，更會在銅鑼灣拍攝三百人晒冷重頭戲！他說：「場戲講我救個小朋友，用咗好多錢，加埋等於成幢屯門樓嘅價錢。（頭先有人叫你『o靚坤』？）係咩？我聽唔到，不過好耐冇嚟旺角，平時都係去廟街多。」
談到本報日前拍得其子費曼現身拍攝場地，鎮宇笑言還未決定會否讓他參演：「我嫌佢未夠肥，等拍晒其他戲份先。費曼肥啲好睇咗，處理事情都成熟啲。（佢好想拍？）佢有表演欲，鍾意引人笑，但一叫佢埋位講對白又怕醜。（改劇本等佢講少啲？）劇本已經寫好，唔會改。」他還透露本邀請老友黃子華參演，惟對方因舞台劇加場未能成事，笑言現時少了男神，賣埠也變相減少，但不會找群星拱照。
