麥明詩媽媽 心痛愛女冇啖好食

藝人麥明詩母親麥何小娟出席活動，對於女兒麥明詩身處巴西里約奧運，日前更表示被偷錢及誤闖當地危險地帶，麥媽媽直言今次是女兒多次出遠門中最擔心的一次：「佢被偷錢時，我同家人去郵輪旅行所以收唔到訊號，架郵輪泊岸時就收到佢打長途電話嚟報平安，好感恩，最緊要個人冇事。佢個人好搏命，危險可能都會照做，希望佢顧及安全，20日會返港。」提到麥明詩曾表示日日食杯麵充飢？麥媽媽笑說：「佢話好肚餓，佢好多嘢做。（心痛？）佢冇時間食嘢，返嚟會燉嘢畀佢食。」麥媽媽大爆女兒在巴西捱世界，但麥明詩則在社交網站發放正能量，上載露腰照，留言：「心境也像頭髮般無拘無束吧！」