李佳芯睇通頂狂爆瘡

陳百祥（阿叻）、李佳芯和陳貝兒等一班無綫奧運主持，前晚在電視廣播城出席《里約奧運2016》祝捷活動，奧運節目於各頻道都收視理想，翡翠台以黃金時段播放的《里約奧運走在第一線》為奧運節目收視之冠，最高達23.8點（約154萬觀眾收看）！

南極失竊200美元

李佳芯笑言愈做愈適應：「一日比一日順，之前講句嘢都狂心跳，估唔到咁驚！（通宵睇賽事？）有呀！爆晒瘡！」提到於巴西採訪的麥明詩被偷錢，李佳芯透露試過出埠工作時失竊：「之前坐船去南極開工，畀人偷咗200蚊美金，之後知有職員可以隨意入我房，我啲錢就放喺篋但冇鎖，所以要記得鎖篋！」

深夜收視雙位數

阿叻笑言即使不用做節目也不會瞓，會上myTV SUPER重溫賽事，提到深夜直播節目收視有雙位數，阿叻說：「TVB可能係亞洲區入面最貴去買直播權，好似播晒陳銘泰跳遠三跳咁，特登搵人去拍晒，所以有人話我哋冇乜播香港運動員係唔公道！」

阿叻和陳貝兒捧着收視佳績，零舍自豪！

眾人齊齊舉杯，慶祝無綫奧運收視報捷！

文：影視組