陳寶珠精彩再演劇迷睇到唔願走
粵劇名伶陳寶珠、梅雪詩（阿嗲）主演的經典粵劇《牡丹亭驚夢》前晚於尖沙咀文化中心再度公演，兩人的師傅白雪仙睇足全場支持！尾聲時寶珠率領一眾演員謝幕，大批觀眾湧上台前拍照，氣氛熱烈！完騷後，數十Fans不捨得走，遲遲不肯離去，相當癡纏！
寶珠及阿嗲於後台受訪時被問到是否滿意演出，寶珠說：「永遠唔會滿意。」阿嗲說：「希望聽日再好啲！」問對住師傅演出是否格外緊張？寶珠笑言台下太黑，未看清楚師傅坐在哪兒：「要專注自己演戲嘛！（打電話問番佢意見？）要親自上去！平時會有紙仔畀我哋。」
談到天經的舞台劇隨後在同一劇院演出，寶珠笑說：「我場場都會睇，我要做星媽。」訪問後，天經代古天樂向兩人送贈多張《使徒行者》戲票，阿嗲笑言要多謝「古先生」，天經則笑說：「你咁叫佢唔知識唔識應喎！」阿嗲再搞笑說：「咁應該係樂哥哥？樂Dee Dee？多謝你！」