《星魅博》：48歲郭藹明Art Print回春
《東網巨星》全新娛樂節目《星魅博》播出後反應熱烈，曾居最高瀏覽榜榜首。今集請來星級形象指導郭慶彬（Ricky），解構圈中名人穿衣配搭品味，並提供扮靚小貼士供女士們緊貼潮流資訊。Ricky暢談近日大熱的Art Print潮流，新進女星蘇麗珊令人眼前一亮，不過仍不及現年48歲兼已退出幕前多年的郭藹明，穿出減齡效果，重拾少女feel。
郭藹明有型後生
「咁多女星中佢着得最靚，個print令人好舒服，感覺有型同後生，成個人青春咗，好有時代感。佢襯咗對斑馬紋嘅鞋，配得一絕，而髮型同化妝亦都好舒服好自然。」
蘇麗珊腰腳呼應
「第一眼望落去好舒服，圖案特別，尤其係中間嘅腰belt同裙腳嘅黑色設計，做到呼應效果，佢配襯咗對露趾涼鞋，更加係恰到好處。」
李靜儀@SuperGirls配飾累事
「件衫嘅print有別於一般嘅花花圖案，但襯埋佢身上啲配件同髮型，效果麻麻，如果佢梳番個乾淨啲嘅髮型，襯番啲型啲嘅銀器或者大件飾物會更加靚。」
楊千嬅比例失衡
「條裙顏色好鮮艷、豐富，加埋雪紡質地感覺好夏天。不過，千嬅本身唔係太高，條裙令佢有啲腰長腳短，加埋誇張嘅耳環、化妝成個感覺更加over。」
採：陳嘉敏
攝：黎志輝、林蔚恩