Celia K.閃嫁JM舊愛不設防造人
電影《一路向西》女主角、曾在電影《喜愛夜蒲3》飾演超級扒女「PAPA」成為熱話的模特兒郭穎兒（Celia K.），與女星文詠珊（Janice Man、JM）的有米舊愛李冠峰拍拖後，不時在網上放閃，今年6月更上載合照並表示收到999支玫瑰，慶祝拍拖一周年！昨日凌晨，Celia突然在社交網站宣布已婚，並上載兩口子晒婚戒的結婚相及留言：「一切都發生很快，幸福就是這樣，很難去捉住時間，說來就來。是的，我突然就嫁了！」網友雖表示驚訝，但仍紛紛留言祝福。
註冊讀名口窒窒
她昨日接受本報電話訪問時表示，收到999支玫瑰後兩日便接受男友求婚，並已於上月註冊：「有日我哋返屋企，佢用遙控開咗寫住『Marry me』嘅燈飾，送花、送戒指跪地求婚。註冊當日只係邀請雙方家長同幾個朋友，連攝影師都冇，全部相都係用手機影。註冊時都有蝦碌位，讀老公個名時咁啱吞口水而窒咗一窒。」
「優點係冇缺點」
Celia強調並非「有餡」才閃婚：「不過都會不設防，隨時準備做媽咪！其實我哋拍拖一年已經知係咪適合對方，都有諗過結婚，我哋性格都係話做就做，所以好快去註冊。（老公優點？）哈！佢嘅優點係冇缺點！佢為我戒出夜街，食得健康，最重要係佢諗嘢好正面，有咁多正能量吸收，好着數！」而向來低調的李冠峰亦破例回應：「多謝大家關心同祝福！我已經搵到生命中最重要嘅人。」
文：專案組