《東網Baby》：李君妍廁所換衫引飛來蜢守候
憑無綫節目《功夫新星》打出名堂的「功夫索女」李君妍，最愛到沙灘同陽光玩遊戲。白滑肌膚加上33C身材，去沙灘自然成為男士「監視」目標。她自爆多次在沙灘廁所更衣時，有男士在門外「守候」，但統統被她請食檸檬。李君妍說：「呢啲都唔會係好男仔！」
無綫小花李君妍17歲入讀無綫訓練班，2011年參加《功夫新星》打出名堂，演出作品有《純熟意外》、《公公出宮》等。由於她貌似陳慧琳，故有「翻版Kelly」之稱。李君妍參加《功》節目後迷上武術學習詠春，但覺得單靠習武未能針對性收身，故多年來一直做平板支撐動作幫助keep fit。她說：「我會喺屋企做平板支撐，1分鐘一組，試過挑戰自己最耐可以堅持到10分鐘。」
最驚曬黑
身材33C、24、34的李君妍皮膚白雪雪，看似與沙灘格格不入，但原來她最愛與陽光玩遊戲，有段時間更曬成「黑妹」。她笑說：「嗰陣大個女想試吓着泳衣，又想試吓曬黑，仲買埋太陽油去曬。但曬得太誇張、太黑，當時頭髮又短，畀啲朋友話我好似家庭傭工。之後就冇曬得咁勁，去沙灘都會狂搽防曬，都要顧吓觀眾感受，女仔都係白啲好睇。」
擁有33C上圍的李君妍在沙灘上自然獲男士「監視」，她笑說：「試過幾次去廁所換衫，有男仔喺廁所門口等我哋，撩我哋可唔可以做朋友，但第一個反應都係拒絕唔理佢哋嘅，呢啲都唔會係好男仔！」不過她笑言會反「監視」肌肉男：「鍾意有肌肉嘅男仔，唔使好大隻，最緊要有線條。我好鍾意彭于晏，身形好靚。第時揀男友都要有啲胸肌、腹肌可以畀我拍吓，似彭于晏就最好啦。」
犧牲長髮
此外，近期李君妍忙於拍攝無綫新劇《心理追兇》，飾演女警的她要犧牲長髮：「為咗角色要剪短留咗兩年嘅長髮，難得覺得自己開始有少少女人味就要剪短！不過唔緊要，遲啲可以再留過。」
網址：http://goo.gl/KQC2W5
文：影視組
攝：劉智源