蔡一傑為咗條褲跳芭蕾？！

組合草蜢昨日出席電台活動，宣布將於11月2日在會展舉行「夢想系拉闊音樂會」，並分享兒時夢想。蔡一智指因小時候住屋邨，所以最想開魚蛋檔，蘇志威則想做醫生，笑言穿醫生袍感覺好飄逸，當蔡一傑表示最想當芭蕾舞蹈員，阿智即笑說：「你想着條芭蕾舞褲咋！」場面爆笑。問到傑仔是否會於音樂會跳芭蕾舞？他說：「你哋其實想睇條褲嗰舊嘢啫，睇有幾大舊。（你可以攝pad？）其實冇諗過跳嘅。」阿智亦加把口說：「跳天鵝湖！」傑仔表示要找鄭欣宜合作，阿智即說：「咁欣宜做肥姐（沈殿霞），你做盧David（盧大偉）啦！」