阿倫遇大象方便如冧山泥
無綫遊戲節目《我愛香港》前晚錄影，校長譚詠麟（阿倫）、苗僑偉夫婦、陳友、姚子羚等擔任嘉賓。阿倫7歲起於北角健康村長大，一住就二十年，他說：「細個成日去當年仲係山谷嘅丹拿山玩，游水、打黃豆槍，當年有馬戲團，偷偷哋爬入去，一揭開帳篷以為山泥傾瀉，原來有隻大象喺度屙屎，哈哈。」而剛從台北踢波返港的他表示弄傷了膝蓋，但也波癮大發照落場。
期間主持曾志偉讚苗僑偉多年來一直弗爆，阿苗說：「阿倫年年25歲，我就35歲。」而玩遊戲時阿倫相當奸茅，不時「彈弓腳」或慢動作揀答案，他解釋：「我腳痛所以行得慢啲啫。」
另外，講到女兒苗彤將為港姐日本外景擔任攝影師，苗僑偉與戚美珍也讚女兒的相片很特別，但沒有為他們拍照：「一家人又真係冇，佢唔覺得爸爸有型。」戚美珍卻爆料笑說：「佢有偷影爸爸瞓覺o架！」
