鍾君揚滑浪喊驚！
10位候選港男昨日在台灣屏東進行外景拍攝，並分成兩組挑戰攀山和滑浪，當中玩滑浪的(1)鍾君揚（Freeyon）「頂硬上」，他說：「有少少驚水，一年級嗰陣試過浸親，咁多年都冇咩點游水。（識唔識游？）好耐冇游，應該識啩！（現場好大浪喎！）都有啲恐懼，希望可以克服。」看似瘦削的他原來除衫後亦有結實肌肉，可惜不及其他大隻男搶鏡，他透露回港後消瘦不少：「暫時瘦咗5磅，希望練番多啲肌肉，依家一星期做3次Gym。」
同樣玩滑浪的「法國紋身男」(2)麥凱程（Alex）對一身肌肉充滿信心，表示因自幼已經常去沙灘，水性不俗：「當地有個世界知名沙灘，我每年都去。（有冇識到性感女仔？）唔知呢！（去過天體沙灘？）唔鍾意去，未去過。（你好密實喎？）泳褲囉，全裸唔接受。」
