G.E.M.變幻球撼泰山嬌

喺內地多過喺香港的「宇宙G.E.M.」近期忽然愛行性感，上月Post比堅尼照被網民指「咪咪」大縮水，可能為平反仍擁33C的驕人身段，前晚G.E.M.賣大包穿上黑色Bra top連身褲，久違的「巨咪」又再回歸，尤其她俯身坐下一刻，坐在身旁的林峯及張敬軒都嚇得不敢斜視。而任頒獎嘉賓的溫碧霞（Irene）則以全白Deep V現身，盡顯50歲的「美魔女」本色。

公開徵求熟男

阿嬌的泰山裝造型大騷滑溜香肩，現有三個契女的她坦言不能再收契仔女：「因為聽人講唔可以契太多，會令自己冇咗quota。」講到好友陳妍希的BB好得意點算？阿嬌笑言：「都唔收啦，要為自己着想吓。」她承認想做媽媽，堅稱不介意姊弟戀，更公開徵婚：「快啲嚟追我啦 ! （有咩要求？）基本嘅條件係要有，為下一代個樣都要四四正正啦，年紀唔緊要，最緊要成熟，要價值觀一致。」

鄧紫棋	露香肩的阿嬌揚言不介意姊弟戀。	泳兒穿開衩裙晒美腿。

至於穿透視裙的泳兒獲獎後，在台上與舞蹈員赤腳跳辣身舞。人妻王菀之（Ivana）穿黑色喱士連身裙，心口前有五朵大紅花設計，被軒仔取笑，軒仔又透露下半年將與Ivana合體開演唱會，名為「排骨精五花腩」樂壇新組合。

鄭俊弘「打對台」

是次頒獎禮安排在ViuTV直播，身為無綫人的鄭俊弘（Fred）竟在對台曝光，他說：「公司知道o架！（怕唔怕ViuTV會cut走你畫面？）呢啲公司安排，大家都為樂壇出力。」對此，無綫企業傳訊部發言人稱：「公司係知Fred出席呢個活動，都係為樂壇出一分力，而頒獎禮係IFPI舉辦嘅活動，係為咗提高音樂MV創意，公司覺得作為歌手應該支持，無綫亦會喺9月3日晚播出。」

此外，昨晚G.E.M.在社交網上載預祝生日照片，何超蓮、李蘊、緋聞男友馮允謙齊齊賀壽。

文：音樂組　

攝：秦健輝