張智霖被靚靚打壓 養貓無望！
藝人張智霖（Chilam）、薛家燕、泳兒、胡琳和鍾舒漫等前晚出席《新城25聲光綻放音樂會》。提到本月27日是Chilam的45歲生日，他指當日會在上海舉行演唱會，又透露原已想好生日禮物，卻被太太袁詠儀（靚靚）一口拒絕，他說：「我話想要隻貓，但佢話唔使諗喇，因為我之前養貓有鼻敏感，但嗰時我有好多壞習慣，都唔知關邊樣事。」又指雖然囝囝魔童與他同一陣線，但仍難以說服靚靚：「冇用o架，我哋係受壓迫嘅一群！」
於新城電台服務近16年的家燕姐笑謂之前在TVB台慶穿了「登基裝」，這次新城台慶也特意着得喜慶一點：「有人話我露膊，我話唔係，係卸膊衫，今年興露膊頭，但露一邊就夠，露兩邊我怕啲人會好容易暈低！」泳兒則首次演唱未派台的歌曲《我的情書》，她透露MV找來陳家樂處男執導，又指題材涉及有社會爭議的問題，如未成年少女懷孕、做第三者等。
另外，Chilam日前為表揚父愛的新歌《HERO》拍MV，導演更借出剛滿月的B仔飾演其囝囝，見他抱B手勢純熟，果然好有經驗。
文：音樂組
攝：秦建輝、黎志輝