黃智雯恨生B拒做怪獸家長

黃智雯、陳智燊、李思捷、陳煒等昨日在將軍澳電視城宣傳劇集《超能老豆》，與一班小朋友玩遊戲。劇中與不少小朋友有對手戲的智雯說：「拍劇之後母性大發，有生小朋友衝動，但都要等上天安排。（你會唔會係怪獸家長？）唔會，會畀好多空間佢，當佢哋係一張白紙咁教。（計劃同男友幾時生BB？）冇特別去傾，自己好傳統，都想有一、兩個小朋友。（生BB先？）我幾傳統，希望循序漸進，結婚先有BB。（幾時結婚？）唔知，係都胡定欣先啦。（佢啱啱先甩拖，咁快有新戀情？）唔係，最緊要真愛，感情有火花，好似胡杏兒咁好快就結婚。」