梁裕恆懶理醜聞入圍爭港男

《2016香港先生選舉》13位參賽者昨日在將軍澳電視城出席記者會，大會即場淘汰陳金寶、梁志鏘及簡少杰。被視為熱門的梁裕恆（Flow）順利入圍，他表示可食餐好慶祝：「今晚咁啱約咗嫲嫲食飯，但都唔可以食太多，呢排身形走樣，肥咗線條冇咁明顯。」有讀者爆料指他任職消防員時經常請病假，他說：「終於有呢啲負面新聞，我有請病假，情況正常，唔係講到咁誇張。（得罪人？）真係唔知。（爆料話你周圍溝女？）畀人話溝女都已經回應到厭。（話你有契媽照顧？）大家見我出入搭巴士，成日着住底衫就知我『有』契媽啦！哈哈。」羅天宇同母異父的弟弟胡㻗亦入圍，他坦言有壓力：「最緊要做好自己。（你捱得？）我當然捱得。」