黃翠如懶理肚痛 狂食廿粒貓山王
藝人黃翠如是瘋狂榴槤粉絲！早前她到馬來西亞公幹大擦當地著名的「貓山王」，身為慳妹的她難抵價格廉宜，共吃了廿粒，結果搞到肚痛收場。不過翠如仍冇有怕，揚言稍後會叫男友蕭正楠（Edwin）品嘗此世間美食。
黃翠如昨日與魔術師甄澤權（Louis）出席商場活動，翠如表演啤牌魔術時有板有眼，完全不似初哥。她透露拍攝首套劇集時已接觸魔術，最厲害是變走紙幣，之後偶爾操練。她又稱為了今次活動，提早跟Louis學習。
剛從馬來西亞工作返港的她表示此行喪食貓山王榴槤，由於每個僅幾十元港幣，所以買了不少作手信。她謂：「返嚟都忙緊點分，實在太平喇！我食咗成20粒，食太多，結果搞到肚痛。滕麗名仲勁，一餐食10粒。（Edwin食唔食？）唔係好食，我從來冇見佢食過，不過我諗住教佢食呢樣世間美食囉！」
表演魔術 男友嫌棄
翠如更稱一直有研究魔術，試過於男友面前表演，惟對方看了一半便閃人。她謂：「佢覺得我表演得唔精彩，依家興將個menu變成嘢食，我只係變銀仔太流。（佢識魔術？）佢手感比我好，如果練吓應該好過我。」
提到陳倩揚離開無綫，翠如表示很欣賞及喜歡對方，更指當年加入無綫時皮膚敏感，獲倩揚贈送及介紹護膚品。她稱：「地球係圓嘅，我都做過好多電視台。其實邊度做都唔緊要，啲人都會來來去去，最重要係做到自己想做嘅嘢。」
文：影視組