歌手鄭俊弘（Fred）昨日舉行演唱會DVD簽唱會，玩遊戲時由粉絲重演他在個唱的表演，其中一位男粉絲被另一位女粉絲從後除衫騷肌，睇到Fred抹晒汗！雖然平日喜歡跑步及做Gym，但Fred坦言已經冇晒胸肌、腹肌：「演唱會嗰排操得密啲，同埋有配合飲食，依家飲食都正常番。（操番可以騷肌？）唔喇！自己健康就OK，同埋我怕醜！」他又透露每朝就算再忙亦會落街跑步，順道帶狗散步。問到可有被認出？他說：「都有嘅，但大家好好，會互相加油打氣！」
