湯怡認惡女！洪卓立遭家暴
藝人湯怡昨日到西環出席活動時透露有儲毛公仔的習慣，問到有否獲男友（Ken）送公仔？她說：「佢有送一對熊公仔畀我，佢幾浪漫！」正在接洽兩部電影的她坦言渴望演出型格特工，自認性格Man到遭男友投訴：「Ken成日投訴我講嘢粗魯同會拍佢，我惡起上嚟都幾惡！」
至於洪卓立昨日則出席聽障調酒師培育計劃閉幕禮，他自爆酒量甚差：「記得有年新人要去慶功，Mani（經理人霍汶希）捉咗我去敬酒，飲咗好多杯，未去到廁所途中已經嘔，由面紅變到面青，從此冇人叫過我飲酒！」他又透露女友湯怡一樣酒量淺，兩人試過買酒返家練酒量。談到工作，洪卓立表示下星期為新碟錄音，題材圍繞打機，問到是否想迎合捉精靈熱潮？他說：「一開始就揀咗呢個題材，唔係直接講打機。」
