徐小鳳冧掂杜德偉「裸」個尾彩

殿堂級歌手徐小鳳舉行的八場紅館騷於前晚圓滿結束，尾場獲杜如風與陳曼娜等撐場。徐小鳳穿上招牌波點裙現身，唱出首本名曲《喜氣洋洋》與《但願人長久》等歌曲。唱畢後突然有男歌迷大叫「我愛你」示愛，徐小鳳聞言借對方搞爛Gag：「呢啲咁肉麻(口既)說話點可以喺大庭廣眾講！既然講我愛我，請展示你(口既)愛，Show me your love！其實我係講中文，唔係講英文，粟米肉粒飯（Show me your love）！」其後，徐小鳳換上金色旗袍上陣，飲水期間獲歌迷報以掌聲，她笑說：「覺得我係屬於全世界歌手中最優惠(口既)一位，因為飲水都有掌聲。」該名示愛男歌迷又大叫：「因為你飲水都靚過人。」搞到她不禁回應：「你零舍多嘢講。」

自爆綽號「魔王」

演唱會中段，徐小鳳再邀得杜德偉（Alex）擔任嘉賓，Alex捧着一束鮮花及比卡超公仔上台：「恭喜徐小鳳又完成創舉，今日最後一場送上特別禮物（比卡超公仔）！你掛住開演唱會唔得閒捉，所以捉埋送畀你。」緊貼潮流的她即將公仔掛在手上！期間，徐小鳳讚Alex着三角底褲有睇頭，曾於演唱會另一場叫他脫掉，雖然他當時以未準備好而婉拒，但Alex前晚公開三歲時的裸照「找數」，相中的他以手遮掩「小Alex」，睇到全場爆笑！

杜德偉騷裸照益街坊！雖然係三歲嗰陣，但已經夠晒肉地。	徐小鳳開騷，點少得波點裙呢！	徐小鳳落台與歌迷近距離接觸。

兩人合唱後，Alex在徐小鳳要求下跳Moonwalk，她笑言想學很耐：「不過捽極都捽唔到！」Alex指跳舞需要大髀力，故邀請對方一齊行山，她即大玩食字：「行山？情願行公司！我有個花名叫『魔王』，因為我係『行魔（Mall）』!」Encore時，徐小鳳唱出《婚紗背後》與《喜氣洋洋》，為演唱會畫上句號。

文：音樂組

攝：鄭家俊