安采妮封胸唱兒歌

藝人安采妮（Charlie，前名馮殷）最近宣布改名，全因有新發展。她曾參與電影及舞台劇演出，近年主力擔當電台節目主持，最近簽了經理人陳達仁，實行撈過界做歌手，預計向兒歌及主流方向發展。她稱：「真係冇諗過，好似幾好玩。其實我由細到大都鍾意唱歌，所以依家有機會都想試吓。（你以前形象較性感，唔怕有衝突？）所以依家要暫時封胸，而且我最近改名，係寓意平安開心，希望擺脫性感形象，向玉女楊采妮嘅路線重新出發，我都特登剪咗齊蔭髮型同學結他，以配合形象。」