寶珠阿嗲回味學戲時光
粵劇名伶陳寶珠與梅雪詩昨日出席粵劇慈善專場記者會，獲大批戲迷捧場外，「玩具大王」蔡志明太太蔡李惠莉與「鯊魚女」陳細潔也現身支持，兩人大談那些年學戲的日子。
陳寶珠與梅雪詩（阿嗲）昨日出席《牡丹亭驚夢》保良局慈善專場記者會，保良局主席郭羅桂珍、蔡李惠莉、陳細潔、資深電視人何麗全等人撐場。寶珠表示今次共演出七場，其中一場為保良局籌款，為此已排練了數星期。
要不停練功
現場有小朋友表演粵劇功架晒一字馬，問到她倆是否做到同樣動作？寶珠自信地說：「梗係做到啦！想挑戰我哋？」阿嗲笑着補充說：「做到……以前吖嘛！因為忙，停咗一段時間冇練功，依家要從頭練過，年紀大，練唔番以前咁，所以千祈唔可以停練功。」阿嗲又指見到台上的小朋友就想起以前學戲的日子：「好感慨好感觸，想返去以前，覺得好珍惜同難得。」寶珠同樣想起跟粉菊花師傅學戲的點滴：「每日要過海去佢屋企，由一點學到五點，同啲師姊妹一齊。最難忘係師傅會鬧啲徒弟，好開心自己冇畀人鬧，好在自己都算聰明，我哋好怕師傅，佢好惡。（有冇畀師傅鬧過？）有，鬧啲好皮毛嘅嘢。（有冇試過鬧到唔想學？）唔敢，佢唔教，唔得掂，愛之深，責之切。」
何超鳳傷右腳
蔡李惠莉表示雖然沒有唱粵曲，但十分喜歡看粵劇表演：「唱粵曲唔易，我係唱古典藝術歌曲。（將來畀孫兒學粵劇？）佢哋太細，但都想培養吓佢哋，粵劇係中國國粹。」至於賭王二房女兒何超鳳的右腳打了石膏，坐輪椅出現，她解釋早前在外地不慎跌斷腳：「要幾個星期先拆石膏。（將來行路會唔會有影響？）唔會，但之後要做一段時間物理治療。」
文：名人組