翁子光晒愛補鑊冧爆Jeana
早前《東網》獨家踢爆藝人何佩瑜（Jeana）暗撻電影《踏血尋梅》導演翁子光，兩人最初否認戀情，到Jeana改口稱翁子光是「Super Boy friend」，再上載一張「作狀」錫翁子光的自拍照兼叫對方做「小寶寶」，關係似乎明朗化。
直至日前二人同時出席首映，先到場的Jeana受訪時大方承認蜜運，更大讚翁子光是她的「安全島」，豈料他到場時卻顯得避忌兼拒絕合照。未知翁子光是否怕激嬲女友，前晚深夜時分上載一張Jeana與小朋友的合照補鑊，並發放愛的宣言：「從今只想跟你甘苦與共，願你的微笑伴我朝暮至老。」之後更標籤女友並再留言：「P.S.對不起親愛的，我的怯懦和不善言詞令你獨自承受了被追問的壓力，我為了你的勇敢和擔當而感恩，以後有甚麼我願一起分擔。」
願做「擋箭牌」
Jeana對此坦言被男友「殺個措手不及」，非常感動，她接受電話訪問時說：「佢喺facebook寫完後，至Send條Link畀我。」她表示甘願為居於幕後的男友做「擋箭牌」：「作為一個公眾人物，每個人都有唔同優點同缺點，我自己就對記者比較多，唔介意做回應嗰個。」她即將開拍新戲，男友亦快要到內地開工，兩人將分隔兩地，她甜絲絲笑說：「我拍緊嘅時候佢仲喺香港，到我完咗嘅時候我會上去探班，睇佢做嘢，我好Enjoy睇人拍戲。」更指雙方最夾的地方是同樣熱愛電影。
文：專案組