勝利秘密抵港開工 大汗疊細汗
藝人陳加玲首次擔任電影監製及編劇，近日邀得韓團Big Bang成員勝利作新片《宇愛同遊》男主角，台前幕後飛抵香港開工。劇組為免吸引大批粉絲到拍攝現場追星，故今次將勝利的行程保密，不過昨日型男先後現身中環及淺水灣開工時，仍有小量神通廣大的粉絲出現，幸而未有影響拍攝進度。
據悉，《宇》片先後會到內地、法國及塞班島等地進行拍攝，而香港部分外景更邀得林盛斌公司旗下藝人蔡宛珊（Sarika）及王梓軒等加入演出。昨日劇情交代愛心爆棚的勝利「call齊腳」，帶大班孤兒外出遊玩，由於天氣炎熱關係，台前幕後拍到大汗疊細汗！
談到首次與勝利見面，Sarika大感興奮：「佢好平易近人、好nice，佢好識得寓工作於娛樂，我哋拍得好開心，不過我就戥身穿恤衫同長褲嘅佢辛苦囉，全外景走嚟又走去，好彩電影公司都提供咗冷氣車畀我哋工餘時休息吓。」