劉穎鏇師姐助威 VS瀛格單文柔
20位港姐候選佳麗昨日以日本浴衣造型宣傳，相貌有幾分似日本妹的單文柔，穿起浴衣更是入型入格，與獲前港姐冠軍李珊珊點名打氣的「大隻鍾嘉欣」劉穎鏇同樣狀態大勇，有望晉級最後10強，屆時到日本福岡拍外景再扮日本妹！
《2016香港小姐競選》20位候選佳麗，昨日穿上日本浴衣到中環出席宣傳活動，更玩了幾個充滿日本風的遊戲，似為稍後大會淘汰出最後10強佳麗後，拉隊到日本福岡拍外景先行預習，其中單文柔（Phoebe）與劉穎鏇（Tiffany）狀態大勇，Phoebe更坦言曾被指似日本妹！
晚晚敷Mask
問到有否信心晉級10強，Phoebe說：「我有信心入圍10強，雖然其他女仔質素都好好，但我都要有信心！（點樣保持狀態？）會勤力做運動，夜晚即刻落妝、敷Mask，保持狀態。其實今日係我第一次穿浴衣，之前都有人話過我似日本人！」
至於「大隻鍾嘉欣」Tiffany獲前港姐李珊珊在微博打氣，對於獲師姐祝福，她說：「我知道佢係香港小姐，都曾經有人話我似佢，能夠獲得有名銜嘅女士同埋大師姐讚，我好開心！（覺得自己似唔似鍾嘉欣？）某部分，少少似，可能對眼似，但其實自己評自己係好難評。」
文：影視組