戚黛黛意國古堡出嫁心急做媽咪
前港姐戚黛黛將於下月在意大利古堡下嫁機師男友Calvin，更請來陳茵媺、曹敏莉、李施嬅及朱凱婷等港姐級姊妹團伴隨出閣，見證動人時刻！準新娘早前與未婚夫一口氣影了8個造型的結婚照，更以大熱韓風影樓照為主景，每張都滿載愛意，浪漫爆燈！
2003年港姐季軍戚黛黛今年5月在峇里島答應機師男友Calvin求婚，下月13日將於意大利一座古堡拉埋天窗，二人更邀請了80位親友到意大利見證大日子，除戚黛黛的妺妺擔任伴娘外，陳茵媺、曹敏莉、李施嬅、朱凱婷及張嘉兒等更組成港姐級姊妹團陪嫁，戚黛黛說：「不過嘉兒因為就快生BB，所以唔會飛去意大利。」由於Calvin的父母在多倫多，一對新人於婚禮後會在多倫多及香港擺酒。
否認有餡趕嫁
現年34歲的戚黛黛答應比她年輕兩年的男友求婚數月後即趕住嫁，問到是否奉子成婚，她說：「冇，肚腩就有，哈哈！不過我同Calvin都諗住快啲生，我年紀都差唔多，但唔係話有就有，過住二人世界先，生BB順其自然。」
Keep住節食減肥
兩口子一口氣拍了8個造型的結婚照，除以大熱韓風影樓照作主景外，更有她平時最愛炮製的Cupcake做背景，浪漫滿載！見她狀態甚弗，問到有否特別為穿婚紗而節食減肥，她說：「呢個行動一向都Keep住做緊，結婚梗係要減啦！依家身形都OK o架！」她坦言因婚禮臨近而緊張，幸兩口子未有因籌備婚禮而發生拗撬：「大家溝通得幾好，同埋佢都比較忙，通常都係我揀咗幾樣畀佢決定。」
文：影視組