志偉使橫手嘉樂新戲押後
藝人曾志偉、錢嘉樂、林曉峰、阮兆祥等「第一代獎門人主持」昨日齊集電視城，為新節目《我愛香港》拜神，靈魂人物志偉表示已有一陣子未有返無綫主持節目，今次乃徇眾要求，為充滿負能量的香港帶來歡樂。
除了藝人，也會邀請運動員及香港市民齊齊玩，他謂：「想喺唔同區域帶起大家對自己身處嗰區有歸屬感，好似譚詠麟依家住半山，以前住北角，佢就代表北角區，容祖兒就代表沙田。（會唔會搵阿倫同祖兒做嘉賓？）佢哋唔使做咩？」
心穎欣賞粗口文化
而主持之一的嘉樂，則踢爆原定月中要為志偉任投資方的古惑仔電影開工，結果對方使橫手把電影延到年尾才開工，避免與節目撞期。對此志偉笑謂：「套戲佢（嘉樂）做導演大晒，都要聽佢講，而家套套電影開都搵佢做指導，應該係全港最忙嘅動作導演。（佢上節目啲期最難度？）最難度係佢，不過佢最有心，話個節目好有意思，所以好開心自己報名做主持。」至於新加入任主持的黃心穎，就表示節目內有關於香港文化、懷舊及俗語內容，問到要否講粗口？她謂：「唔使，我好欣賞粗口文化，要講得好聽好難。」
文：影視組