林穎彤被老竇拋棄 窮到行乞

熱播劇《城寨英雄》除了男主角陳展鵬、伍允龍及袁偉豪打得精彩，亦造就幾位配角成功上位，當中23歲小花林穎彤（Bella）飾演的孖辮妹「鑫鑫」慘到爆，感動大批觀眾，而頻想侵犯她的惡霸李嘉亦獲網民大讚奸得出色。

劇中對白觸動心靈

昨日Bella與劉佩玥（Moon）、鄭俊弘、狄易達及組合C AllStar到荃灣出席《Think Big Family》活動，Bella直言想不到新劇回響這麼大：「好開心，其實第一日播已經好緊張，始終自己好耐冇拍劇，收到監製電話搵我拍劇，我超感動，瞓唔着！（有網友封你做女神！）多謝網民，希望大家唔止呢一次喜歡我，其實角色依家未最慘，之後仲危險，驚大家忍唔住喊。」

原來現實中的Bella也不見得比角色幸福，她由母親獨力撫養成人，直言說起某些對白時分外入心：「我係單親家庭長大，爸爸喺我好細個就走咗，講到爸爸點解唔要我呢句對白特別觸動到我。」Bella兒時家境清貧，母女相依為命，一歲多時更曾跟媽媽在街上行乞，不過Bella直言已記不起這段經歷：「都係由媽咪口中知道，爸爸鍾意咗另外一個，已經好耐冇聯絡，媽咪就捱苦湊大我，其實細個冇咁覺，到長大咗見到其他人有完整家庭，心底係有少少遺憾，不過唔緊要，有媽媽錫我就得。」

林穎彤與母親相依為命。

眾星出席活動，與現場人士打成一片。

讚男主角騷肌養眼

至於Moon在前晚一集被李嘉撕爛衫，幸得伍允龍相救，她表示昨晨與一班同事在化妝間睇重播，大家睇到尖叫，她收到好多message讚精彩刺激。問到收視報捷會否穿泳衣回饋觀眾？Moon笑言要先問胡定欣及王君馨意願，但有三位男主角騷肌已夠養眼。

文：影視組