李佳芯陳貝兒男女通殺
里約奧運狂熱席捲全城，連帶各國靚仔靚女運動員亦成為焦點，網上更掀起點評世界體壇五大小鮮肉的熱潮等場外花絮。奧運主持之一的李佳芯（Ali）正正專責介紹各健兒的花邊新聞，她說：「我自己都鍾意睇佢哋生活、拍拖、個人化啲嘅嘢。（介紹有難度？）因為我每日要講嘅都係新嘢，要即日背，最需要留意係啲人名譯音，人名係最難記！」自言喜歡睇游泳、田徑及體操賽事的Ali，更直認會留意場上的俊男美女：「咁都想睇吓香港有乜運動員會彈出嘅！」
至於陳貝兒（Janis）同樣喜歡觀看泳賽，除了留意澳洲與美國的小鮮肉外，她亦表示中國隊的孫楊同寧澤濤同樣又睇得又打得：「今年都有隊『難民代表團』，由十個來自戰亂地區嘅難民以個人身份組成，個個經歷都好辛酸。」而她亦會留意第五次參加奧運的美國飛魚菲比斯。咪定499頁天書的Janis又透露，今日直播開幕禮須提早於凌晨三時返電視城錄影廠準備，而她亦會多睡覺和飲靚湯，應付兩星期的奧運工作。
