原島大地鋪路紅到返日本
十三年前與張栢芝及劉青雲合作拍戲的中日混血兒原島大地，當年的5歲孩童轉眼已成18歲小鮮肉，對於入行做藝人仍十五十六的他，坦言想讀完書再決定未來的路，不過希望將來似日本演員藤岡靛，在香港爆紅再返日本發展！
當年只有五歲的中日混血兒原島大地在電影中飾演張栢芝的養子，戲中被栢芝拉去保良局棄養的一幕至今令人難忘，轉眼間大地已經18歲，早前因現身金像獎令工作愈接愈多，再次活躍香港娛樂圈。長居日本的他原來多年來都斷斷續續拍過內地的電影，問到會否考慮投身演藝事業？他說：「未知，想讀埋大學先再決定，想讀語言或者戲劇！」
「日本冇咩人認得我」
雖然在內地與香港有知名度，不過在家鄉日本則完全相反，他笑說：「雖然細個拍嗰部戲喺日本有上過，不過冇咩人認得我，有啲熟嘅同學先知道！喺日本，我只係普通學生！」未有在家鄉出道的他，問到是否想效法日本演員藤岡靛，在港、台成名後再返日本？他說：「都想，有機會梗係想返日本發展啦！」他透露正洽談一部香港電影，年底有機會一嘗做「男一」的滋味！
希望再同栢芝合作
五歲時與栢芝及劉青雲拍戲令他為人熟悉，不過他坦言當時年紀太小，已經將當年的事忘記得七七八八，笑言很多回憶都是靠媽媽告訴他，不過他希望再次與二人合作。至於最想與哪一位女明星合作？他賣口乖說：「個個都想合作！」目前單身的他被問會否考慮結交香港女友？怕醜的他未有正面回應，只說：「我始終生活喺日本！」
文：影視組
場地：奧海城