《娛樂onShow》：Janice教你點唱得出色

歌手衛蘭（Janice）接受東網電視《娛樂onShow》主持陳振安邀請分享音樂之路，獲天王黎明提攜入行的Janice，約滿後去年轉投新唱片公司，直到今年初推出歌曲《穿花蝴蝶》，即在各大流行榜勇奪冠軍，對Janice來說是十分鼓舞，她說：「加入新公司第一首歌，我有參與成首歌製作嘅過程。（火花唔同？）係呀，一定有新鮮感，呢首歌寫個人故事，感覺特別。起初都擔心過人哋對隻歌反應係點，個個都慣咗我唱抒情歌，呢首歌係比較節奏性嘅歌，我少唱嘅，所以出嚟反應好，我都好開心。」之後她再下一城推出第二主打歌《失戀的意義》，反應亦佳，問到何時推出唱片？她說：「公司做法係唔會做大碟先，我哋會出單曲，集合晒所有單曲先出大碟。（預計呢？）希望年尾，呢個做法對我嚟講好特別。」

紅黃藍綠唱經歷

而Janice下月將在九展舉行《Hearing Colors Live 2016》音樂會，名字由她構思，代表音樂與顏色有關連：「我聽音樂唔只聽到聲音咁簡單，係會見同聽到顏色。其實我覺得色彩代表唔同情緒，好似紅色代表熱情，想帶出本身首歌情緒味道出嚟。」她透露演唱會分為紅、黃、藍及綠色，代表十多年入行的心路歷程及總和。

盧宛茵	Janice接受《娛樂onShow》主持陳振安訪問。	陳振安與Janice齊扮鬼臉。

過去Janice與藝人盧宛茵被外間指很似樣，Janice卻不認同：「講真，我覺得唔似喎，但我覺得盧宛茵幾靚女。」想知道Janice點睇同盧宛茵似樣？想知佢眼中的黎明又係點？快啲入東網電視睇實《娛樂onShow》！

文：專案組

髮型：Haysses Ip@HAiR

化妝：Samuel@江中平化妝室

服裝：PLOTZ