王宗堯戲鬥吳孟達壓力大

男星王宗堯（Greg）與周家怡為新片《導火新聞線》再度合作，飾演採訪最前線的二人，笑言最能體會到新聞生態的轉變，Greg說：「由搶頭條到搶hit rate，新聞又要最快最新。」他又指新片中有不少感動位，能夠體會到香港精神。而最難忘的一場戲，就是與前輩吳孟達透過對講機鬥戲，Greg說：「段戲係分開拍嘅，但我都會返劇組同達哥對戲，佢係位老戲骨，畀晒感情喺部對講機度呀，搞到我都幾大壓力。」

焗住推舞台劇

新片由電視打入大銀幕，家怡對《導》的成功最為感觸：「當時拍完套劇後播映無期，有一年時間直情係冇收入，真係好擔心！」問到會否乘勝追擊再合作《導》舞台劇版，她笑說：「舞台劇都係我嘅一個目標，但目前真係冇機會，要投入太多時間，要好專注去排練兩、三個月。依家做緊sound track，係一個新嘗試，自己做過聲帶手術，都想用多啲時間去練歌。」而Greg則說：「都有舞台劇搵過我，但都推咗，因為我劇組唔放人！」

周家怡與王宗堯不約而同有興趣做舞台劇。	吳孟達	周家怡突然自爆「失戀」，令王宗堯大驚！

首執導演筒忙爆

Greg稍後將首執導演筒，為選角及幕後工作忙個不停，比照顧女友更困身！他表示不會因執導上癮而放棄幕前：「依家多咗條件去揀角色，希望維持一年兩至三部電影演出。」而家怡被問到是否因工作而未能投入感情？她自爆：「我啱啱失戀呀！」令Greg大吃一驚！原來是指主演的劇集《瑪嘉烈與大衛》迎來大結局，有份參演的二人都感到不捨，期望能有更多電視演出。

文：影視組

攝：劉智源

場地：ISSAYA SIAMESE CLUB

王宗堯服飾：Brooks Brothers

王宗堯化妝：Aster Phang

王宗堯髮型：Hei＠Xenter

周家怡服飾：French Connection Hong Kong

周家怡化妝：Aster Phang

周家怡髮型：Vincent Yeung＠Salon Osmosis