區靄玲出碟逐句學唱臻完美
前亞視女藝人區靄玲（Edith）推出處女新曲加精選碟，唱盡各前輩歌手的經典金曲，她表示一向有登台唱歌，早前唱片公司高層兼經理人提議她出碟，故撮成好事，更不惜特地花時間學唱歌：「好認真咁學，仲係每一句歌詞都重新跟老師學唱。」
冇再嬲羅浩楷
多年前Edith曾與無綫前藝人羅浩楷拍拖，惟分手後羅浩楷疑因愛成恨，展示她的內衣讓雜誌拍照，對此Edith說：「我唔覺得佢癡情，如果真心愛一個人點會咁做？」又指當年只與羅浩楷拍了拖數個月，大家因性格不合而分手。她指羅浩楷的「創舉」令其事業一敗塗地，因形象差令當年的亞視不肯續約，亦有唱片公司臨時「縮沙」不幫她出唱片，導致她要退出幕前，轉職做OL。問事隔多年，可有再與羅浩楷見面？Edith表示幾年前曾在電視台的化妝間見過：「件事都咁多年，我冇再嬲佢，嗰次撞見，我仲想主動打招呼，但我眼尾睄到佢好似一見到我就走，咁咪算囉。」
