《玄學星相》：陳妍希十年大運不甘做全職媽媽

陳妍希與陳曉本月初在合肥領結婚證兼宣布有喜，可謂雙喜臨門！上周亦分別在北京及台北擺酒。最新一集《東網巨星》娛樂節目《玄學星相》，邀得堪輿學家陳子才，以玄學角度分析兩人的婚後生活。談到陳妍希成為人妻兼人母後，會否淡出娛樂圈？陳子才說：「從玄學角度睇，佢生完BB之後，應該都會繼續表演事業，基於兩大原因，第一，大運，佢係逢4字尾轉運，2014年到2023年，行正十年好嘅表演運，所以唔表演浪費咗；第二，佢事業心同鬥心好強，所以有客觀際遇，有機遇，自己又鍾意鬥，點會喺屋企湊BB呢？」

魚與熊掌需取捨

既然陳妍希事業運強勁，又會否因太專注事業而忽略家庭，未能成為稱職媽媽？她命中注定又會有幾多個小朋友？陳子才說：「咩叫稱職嘅媽咪？個個界定都唔同，但佢絕對係一個事業型媽咪，佢會同步兼顧家庭。至於小朋友，如果單從陳妍希睇，其實唔多，但係睇番男方（陳曉）個命盤，又強喎，即係佢要生係可以生兩個女一個仔，仲有得努力，但係就要睇吓陳妍希可以放棄幾多事業，因為生仔要時間，好似陳豪個太太陳茵媺一樣，呢方面可能就要佢放棄啲嘢喇！」一個是女神，一個是男神，想知兩人的愛情結晶是否遺傳到優良基因？想繼續聽師傅點講？立即Click入《東網巨星》的「視娛樂」，睇《玄學星相》啦！

網址：http://goo.gl/O8FQCU

文：專案組