陳展鵬堅打由頭傷到腳趾！

無綫新劇《城寨英雄》演員陳展鵬、伍允龍、劉佩玥、王君馨及張國強等昨日在寶琳宣傳，其中王君馨擺功夫甫士時露出打底褲。男主角展鵬自言新劇是從演以來打得最多、最辛苦的一套劇，打到周身傷：「我同胡定欣嘅手指公都腫晒，腳趾甲瘀咗，試過有朝起身背脊好痛，要靠意志開工。」

袁偉豪打到中暑

他大讚每位演員都十分努力，並透露與張國強互相打傷對方：「佢好唔好意思打腫咗我眼角，後來我亦扑穿咗佢個頭，佢一路唔出聲，直到拍完場戲先去醫院，袁偉豪亦打到唔舒服中暑。（接《一屋老友記》會否有壓力？）唔會，佢哋收視好我都開心，係好嘅先兆。（新劇被指抄襲？）套劇都未出街，又點可以咁講，觀眾眼睛係雪亮嘅。」

打功夫切記錯表情，展鵬完美示範如何一秒由Chok變Cute！	穿上旗袍的王君馨紮馬顯功架。	眾人和學生一齊擺功夫甫士，氣勢強勁！

監製：百分百原創

與伍允龍飾演歡喜冤家的劉佩玥，笑言有場戲要捉着伍允龍的手摸自己胸部：「嗰日第一日開工，仲要啱啱通宵拍完《實習天使》，攰到唔覺得尷尬，同埋都有打底。」身旁的伍允龍說：「我有少少尷尬，因為第一次合作，不過戲裏面最多肌膚接觸係同陳展鵬、袁偉豪。」伍允龍大讚TVB花了很多心機拍攝打鬥場面，並透露因武打場面拍攝需時，有場打擂台戲足足拍了十日，製作認真！

對於劇集被指有抄襲之嫌，監製文偉鴻強調是百分百原創：「佢哋都係睇咗網上嘅資料，網上嘅資料係人都可以改，我哋套劇由頭到尾都冇同『龍捲風』（漫畫人物）呢個角色。」

文：影視組