朱千雪誤信隕石撞學校

藝人朱千雪、黃德斌、王卓淇及楊潮凱等昨日到西九龍中心，宣傳8月5日起明珠台播映的新一輯《X檔案》，千雪與德斌更即場演繹解剖外星人，扮演外星死屍的楊潮凱事後獲大會按行規安排利是一封，百無禁忌。千雪在台上分享「奇遇」：「細個喺外國讀小學，有朝操場有個窿，啲人話係隕石撞落嚟，冇人受傷。（你信係真？）聽到隕石喎，覺得好大件事，仲以為世界末日。我信有外星人，但慶幸未遇過！」