徐小鳳公然示愛 開騷創造神話
殿堂級歌手徐小鳳假紅館舉行共八場《徐小鳳演唱會2016》昨晚開鑼，獲薛家燕、黃淑儀及鄧達智等到場支持。小鳳姐身穿招牌波點造型的斗篷登場，並大唱金曲《喜氣洋洋》，當聽到有觀眾大叫「小鳳姐」時，她笑說：「咩啫！你哋點解咁冤氣？」再有觀眾向她說我愛你，她說：「I love you too！到今時今日仲有呢啲甜言蜜語聽係咪神話呢？多謝你哋同我一齊創造神話，希望直至永遠都有機會同大家唱歌！」
脫去斗篷後的小鳳姐，內裏穿上波點魚尾裙，她笑說：「唔知點解香港啲朋友一見到除衫就好大反應。」並叫工作人員上台為她整理裙襬。此外，小鳳姐在開騷前進行拜神儀式，現場有歌迷穿上波點裙，並高舉寫着「小鳳姐好」的波點橫額。
