張秀文怕身材走樣 寫真趁Fit影
藝人張秀文（Sammi）及黃心穎等昨日於電視城錄影節目，日前流出火辣私密照的Sammi，自爆pat pat夠堅挺，想趁身材Fit爆留倩影，希望緋聞男友Victor日後為她操刀影全裸寫真。
「無綫咪神」張秀文、黃心穎及李佳芯等，昨日於將軍澳電視城錄影無綫節目《學是學非》，日前流出性感私密照的Sammi稱，趁身材Fit爆就把握時間留倩影：「算係我心願，身材未必Keep到好多年。」談到她曾指不介意全裸影寫真，Sammi搞笑自爆Pat Pat細但堅挺：「全裸但三點不露。（都係請緋聞男友兼前經理人Victor影？）可能係，平時工作上佢會提點我小心走光，影寫真嘅話信任好重要。（背部全裸晒股？）我Pat Pat細咗啲，但暫時都堅挺。我以前跳舞踢開後腿有幫助。」
明年書展參戰
Sammi又稱對身形未太滿意，要再勤力操Fit及注意表情及角度：「見到自己擺嘅表情都想打自己。」她希望到日本等地為寫真取景，期望於明年書展推出。問到性感照全由緋聞男友Victor操刀，是否肯定對方地位？繼續否認戀情的Sammi說：「專注工作，大家屋企人感覺。（以身相許？）唔係，同事都有感情，唔好幻想太多。」
黃心穎唔肯性感
同場的心穎笑言難得齊人開工，希望節目長拍長有，甚至有劇集版。提到拍檔張秀文影寫真大晒34D身材，問心穎有冇興趣倣效？她笑言擔心自己出寫真會滯銷：「我未必可以咁性感，因為我覺得性感一面應該留畀另一半。」心穎又透露將為曾志偉主持的節目《我愛香港》擔任固定主持，預料會被玩謝。
文：影視組