古明華越級追「仙女」陳煒
陳煒與古明華（古佬）分別飾演導師及地產經紀，陳煒笑言被古佬當成「仙女」般追求：「佢對我一見鍾情，當正我係仙女！（請佢食檸檬？）反而變咗係我向佢表白！我哋之前喺《醋娘子》演過兄妹，今次演情侶好開心，佢好有喜劇細胞，每場戲都有火花同交足貨！」
而古佬則笑稱上演了一幕「宅男追女記」：「我個角色冇自信，唔敢接觸異性，但一見到陳煒就被佢嘅『仙容』吸引，其後發現佢經歷過另一段感情，但我都義無反顧同歇斯底里去追佢！」二人與小演員有不少對手戲，古佬笑言尋回童真：「記得有幕帶小朋友去郊外玩，佢哋有好多純真反應，令我驚覺自己已經遺忘咗好耐。」而陳煒則認為劇集帶出不少切實的溝通及家庭問題，能為觀眾帶來反思。