李思捷埋細路堆夾計蝦黃智雯

藝人李思捷及黃智雯（Mandy）於8月1日晚上8時30分起啟播的無綫劇《超能老豆》中，分別化身單親湊仔公及教育中心導師。飾演地產經紀的思捷，愛耍小聰明及走捷徑以達成目的，他在一次失誤下被停牌，繼而接手營運兒童教育中心。當錢銀至上的他遇上滿腔教育熱誠的Mandy，自然火花不絕！Mandy笑言經常與思捷開火鬧交：「大家睇對方唔順眼，我覺得佢好市儈同做壞榜樣。（嘈交？）好多意見不合嘅嗌交戲！」她大讚思捷成功演活單親爸爸孭起湊仔重任的痛苦及無奈。

同「阿仔」上契

至於思捷在劇中與童星羅梓龍飾演兩父子，現實中二人更「上契」，戲內戲外都是貨真價實的「父子情」！思捷12年前曾跟監製潘嘉德合作劇集《一屋兩家三姓人》飾演單親爸爸，今次再合作親子劇令他自覺成長，更剖白渴望成家立室的心情，他說：「我長大咗同鍾意咗有家庭嘅感覺，我成四十幾歲人，真係好想結婚生仔！」他又感性地表示因拍劇而遇上「契仔」羅梓龍，令他自覺「賺咗」：「我從此多咗個Best Friend，我哋會行街、食飯、睇戲，佢13歲仔出街都拖住我，好Sweet，令我好想組織家庭。」

向錢看的思捷與滿腔熱誠的黃智雯，慢慢由「唔妥」變得互相了解。

放大圖片

當朋友相處

雖然外間對思捷的感覺是擅於出口術冧女，但他做Daddy與孩子相處一樣掂：「我對佢哋唔講小朋友話，講番大人話。我同佢哋做朋友，做得好要讚，做得唔好就要出聲！」難怪Mandy亦指思捷是劇組的孩子王，經常與小演員打成一片，她更搞笑投訴被「兩仔爺」聯手整蠱：「佢夾埋梓龍Copy我啲小動作同口頭禪，特別學晒我啲醜態嚟轟炸我！」而思捷則自爆為Mandy改花名：「佢一傻起上嚟，個懵樣就彈出嚟，大家拍攝時日日都咁Happy！」

文：影視組