JC婚期冇着落 安志杰拖字訣
「警鐘胸」Jessica C.（JC）及名模Ana R.昨日一同出席首飾活動，兩名模媽聚首，當然大談湊女經。Ana透露西班牙人傳統會於BB出生一星期內替女兒穿耳，但已七個多月大的女兒Maya還未穿。JC則指男友安志杰（Andy）打算依中國傳統替四個月大的女兒Tessa剃胎毛。
未收身想再生
以透視Deep V裙上陣的JC，明顯仍肚凸凸。問到是否再有好消息公布？她笑言：「我都擔心過，不過唔係，依家努力減肥，不過我仲餵緊人奶，要食嘢確保有足夠營養。」問到JC想不想再生B？她坦言與Andy都想再生，Ana就建議最少待女兒Tessa懂得走路及說話，才再生B比較好，不過JC說：「好多嘢都預計唔到。」
全力搵奶粉錢
此外，JC透露Andy工作繁重，於內地接拍電影、電視劇，努力賺奶粉錢：「佢忙到連我哋嘅婚期都定唔到，因為要就佢嘅工作檔期，所以仲未定日子。（想喺邊度搞？）應該會返美國，因為家人喺嗰邊，不過喺香港都會同朋友食餐飯。」
文：名人組