小龍女紅髮剷青同媽咪冇偈傾
吳綺莉女兒吳卓林過往總是以肥妹仔look示人，不過女大十八變，現年十六歲的小龍女亦開始貪靚愛打扮，日前下午五時多小龍女和媽媽吳綺莉孖咇行銅鑼灣，相隔一段日子，小龍女不但長高了不少，更轉了新look，染了一頭紅髮，兩鬢剷短，頭頂紮了髮髻，耳仔穿了數個耳窿，一身闊Tee加貼身爛牛，成功轉走型女路線，Rock味十足，和以往小妹妹樣相去甚遠。
小龍女和戴口罩穿大露背兼露彩藍bra帶的吳綺莉各自孭住背囊現身鬧市，兩人如同貼錯門神般，一前一後地行到離行離列，中間相隔幾個身位，全程未有交流。
入餐廳各睇手機
及至行去餐廳後面對面坐下，兩母女先是各自睇手機，未幾見小龍女面燶燶，吳綺莉則不停地講話及食煙，兩母女氣氛麻麻地速食廿分鐘即埋單走人。其實早前吳綺莉不時有投訴女兒未過反叛期，經常和媽媽鬧意見，未知今次兩母女是否又再鬥嘴。
文、攝：追蹤組