網友求再開金口 古天樂嚇窒：冇病嘛？
古天樂（古仔）與劉青雲昨日於社交網站玩直播，為電影《危城》宣傳。兩人化身「鬼馬雙聲」，搞笑地一唱一和回答網友問題。有網友問古仔，若然劉青雲與彭于晏跌落水會救誰？他即笑說：「其實我唔識游水，我只可以做嘅係報警！」
兩人近年合作無間、默契十足，有網友問到如此老友有否試過嗌交？青雲即表明立場：「其實我哋唔係好熟，除咗拍戲之外，大家冇乜嘢講，冇機會打交。」網友再問兩人有否想過一起唱主題曲，還坦言掛念古仔主唱的《男朋友》，問題一出後，古仔登時扮「嚇親」，瞪大眼睛笑說：「呢位朋友，你冇病吖嘛？唔好搞啦！」在旁的青雲即甚有默契地接下去，一臉正經地說：「我係唔唱歌o架！」
皮膚黑：長期燈光問題
除了關心友誼及唱歌外，網友亦有對兩人的外表作出提問。有人問他倆的打扮為何廿年如一日？青雲幽默地說：「因為呢個直播其實係廿年前錄定，所以個樣咪廿年前咁樣！」至於兩人一直都很「黑」，有否想過變番白？兩人齊答：「係燈光問題，因為長期燈光有問題，令大家覺得我哋黑啫！」
文：影視組