唐詩詠低胸突襲 高海寧喊都無謂

由林文龍與宣萱主演的無綫4K新劇《不懂撒嬌的女人》昨日於蘭桂坊舉行拜神儀式，劇中的女演員孫慧雪、鄧佩儀和林秀怡等幾乎都性感上陣，其中一向走密實路線的唐詩詠更是罕有地以低胸連身裙現身，將一向是性感尤物的高海寧揮低。

高海寧早前被指因拍劇壓力太大在唐詩詠面前爆喊，高海寧尷尬承認，不過現時情緒比之前好得多：「我係忟自己做唔到！」詩詠憶起事件仍猶有餘悸：「諗住收工問佢搭咩車，佢就爆喊，我仲諗係咪我做錯啲咩，我都係第一次有女仔喺我面前喊！（點令佢收聲？摑佢？）佢好似冇收過。」高海寧就直認當時「喊到返屋企」，談到林文龍等讚她認真，高海寧指自己是幼稚園生，而一眾前輩就是大學生，不敢不用心，而詩詠就指她已經「入戲」，非常投入角色。

獲林文龍及宣萱大讚演出認真，難怪高海寧笑得如此忘形。	高海寧壓力大到爆喊，嚇親拍檔。	林文龍、黎諾懿及高海寧等誠心上香，祈求拍攝順利。

宣萱「返唔到轉頭」

林文龍和宣萱首度合作，透露已開工三星期，宣萱就指劇組士氣高昂，笑謂拍畢劇集會「返唔到轉頭」，林文龍聞言即笑謂：「可能佢簽咗長約，準備做下一個羅蘭姐！」談到高海寧拍攝時壓力爆煲痛哭，林文龍指她首次接觸這種角色，拿捏方面確會吃力，不過作為新人，對自己有要求是應有的表現。

文：影視組