胡定欣隱世包租婆撻着爆肌展鵬
視后胡定欣在新劇中首度與陳展鵬及袁偉豪兩大型男鬥戲，在充斥黃、賭、毒三大勢力的九龍城寨中挺身而出，功夫不讓鬚眉。而隱藏真實身份的定欣更有市井一面，飾演膽小市儈的包租婆，同時更以復古Look演電髮店老闆娘，與展鵬合作演出喜感十足，令她大呼過癮。
由視后胡定欣、陳展鵬、袁偉豪、伍允龍等主演的無綫新劇《城寨英雄》將於下周一晚上九時三十分首播，各路臥虎藏龍在三不管的罪惡溫床九龍城寨挺身而出，捍衞家園，不打不相識。監製文偉鴻指城寨故事充滿神秘色彩，演員們有不少發揮空間。為應付劇中大量打鬥場面，一眾演員接受了兩個月的八極拳訓練，令劇中連場惡鬥更見真實感。
練過泰拳
形象硬朗的胡定欣將會在劇中大顯身手，笑言今次已是第三度為打鬥戲練武：「可能我有跳舞底子，大家拍動作戲會諗起我，之前有練過泰拳，今次打功夫，會有多啲肢體語言。（冇機會晒女人味？）我個復古Look OK o架，行到埋去個景，覺得自己好似芭比屋個公仔！」
身為武術高手的定欣隱居城寨，以電髮店老闆及包租婆身份維生，個性市儈的她其實是性情中人，隨着展鵬、袁偉豪等人見義勇為，與二人合作，定欣大過戲癮：「同佢哋合作好有火花，第一次同佢哋有咁多對手戲，展鵬係一個好好嘅拍檔，合作得好開心。」兩男來到城寨，先後成為定欣的租客，但下場大不相同：「展鵬嚟到就做埋債仔，呼呼喝喝，大家係咁鬥氣！袁偉豪喎，靚仔得嚟又係牙醫，啲女人味就喺呢度啦！」
共同經歷
問到為何情歸展鵬？定欣笑言：「就好似我哋唱嘅片尾曲《從未知道你最好》，大家一齊經歷好多嘢！（同展鵬超額合作？）係呀，啲歌詞係我哋嘅經歷，唱番首歌勾起好多回憶，好開心可以咁樣去圓滿個角色。」
文：影視組