殿堂級歌后「徐小鳳演唱會2016」八場紅館騷明晚揭幕，忙於為個唱作最後準備的她，被指身邊有位「新歡」肥嘟嘟的中年男子經常陪伴左右，原來該男子是她妹夫。徐小鳳演唱會大會發言人說：「可能佢喺加拿大住，唔係成日喺香港，所以大家唔認得佢。每次小鳳姐開騷，都會一家大細返嚟捧場兼幫手。」大會否認徐小鳳個唱銷情不理想，目前剩餘一些單丁位，強調演唱會門票賣得好好，只是一些老一輩歌迷，經常都在頭場開騷後再狂撲飛：「外面依家啲飛所剩無幾，大家想買好快啲去買。」
