陳宇琛求婚成功 石修眼濕濕
藝人石修兒子陳宇琛（Sam）日前在倫敦成功向拍拖兩年的前有線主播Camille求婚！目前身在蘇格蘭的Sam接受電話訪問時透露，求婚已計劃了一段時間，戒指更是特別設計及訂造：「早兩個月我要同人傾隻戒指個設計，佢就成日問我去咗邊、做緊啲咩！」
Sam透露求婚時的心情：「從來未試過咁緊張呀！有寫定Notes準備好晒，以為可以好型咁講，但原來準備同講真係兩回事！加上有時差，求婚嗰陣佢冇喊，反而係行出教堂，爸爸媽媽攬住佢同佢講『Welcome to our family』佢就喊，連爸爸都眼濕濕！」又透露預計明年底擺酒，暫未決定地點。
